Auwt Prinsegarde Lömmerich

Op 27 desember haet de jaorlikse Kris, Wanjel en Orientasietoch, georganiseerd door de Auwt Prinsegarde Lömmerich, plaats gevonje. In ein raegenachtig waerke koosj men lekker get wanjele mit get doordènkers tösjedoor. Laes gauw wiejer veur eine truukblik!

Tösje 18.30 oer en hauf 19.30 oer koosj d’r waere ingesjreve bie de sjtartplaats, Café Salden. Diverse vraoge waore tiejes dees route te vènje langs de kantj van de waeg. Vraoge die betrèkking hejje op Lömmerich, algemeine vraoge en get vraoge die langs de route waore te vènje: d’r waor eine leuke mix gemaak van vraoge en ein aantal daovan bleke echte breinbraekers. Op de pauzeplaats koosj tösjedoor nog ein hepke en ein drenkske waere genuttig.

Maar leifs 13 groepe, mit in totaal zo’n 70 persone, hejje zich om 19.30 oer ingesjreeve. Ein sjoon aantal, zeker gezeen de waersomsjtandighede, en v’r haope dan ouch dat dees deilnummers onger de indruk zeen geraak van de toch en dat v’r ze volgend jaor waer mouge begroete!
Rondj de klok van 22.30 oer waore alle deilnummende groepe bènne en vervolgens koosj de balans waere opgemaak.

Oeteindelik wis groep “Frans” zich te krone tot winnaar van de Kris, Wanjel en Orientasietoch 2017. Mit 243 punte bleefte zie “Groep Jolanda” (242 punte) mit ein puntj versjil veur. De top 3 woort gecompleteerd door groep “Lekkere wiever en aanhangk” (222 punte).

Ein dik proficiat aan de winnaars en ein woord van dank aan Café Salden en natuurlik aan alle deilnummers.
Tot volgend jaor op 27 desember tiejes de Kris, Wanjel en Orientasietoch 2018!

Volledige oetsjlaag:
1. Groep Frans 243 punte
2. Groep Jolanda 242 punte
3. Lekkere wiever en aanhangk 222 punte

4. Winning Team 220 punte
5. De Sjriekies 208 punte
6. Foetelaere 202 punte
7. De Mösje 199 punte
8. Team Rood 161 punte
9. Groep Stefanie 135 punte
9. Nae bèste gek 135 punte
11. Nuul 132 punte
12. De sjpeurhunj van Bor 100 punte
13. Groep Hans Jamar 0 punte

Nuujts

Door davyschrijen
Prins V.V. De Doale 2013. Auwt Prins sins 2014.

---

---