Auwt Prinsegarde Lömmerich

Gister haet de jaorlikse Kris, Wanjel en Orientasietoch, georganiseerd door de Auwt Prinsegarde Lömmerich, plaats gevonje. Op “3e Krisdaag” koosj men lekker get wanjele mit get breinbraekers en doordènkers tösjedoor gevraog. Laes wiejer veur eine truukblik!

Tösje 18.30 en 19.30 oer koosj d’r waere ingesjreve bie de sjtartplaats, Café Salden. Vervolgens koosj d’r begoosj waere aan de oetgezatte route, mit eine haup vraoge tösjedoor. Vraoge die betrèkking hauwe op Lömmerich, algemeine zake en ein aantal emoticon-raodsels die opgelos deinde te waere. Op de pauzeplaats koosj tösjedoor nog ein hepke en ein drenkske waere genuttig.

Maar leifs 14 groepe, mit in totaal zo’n 85 persone, hejje zich om 19.30 oer ingesjreeve. Rondj de klok van 22 oer waore alle deilnummende groepe bènne en vervolgens koosj de balans waere opgemaak.

Oeteindelik wis groep “Driej en Ein” (mit Jeugprins Finn I in de geledere) zich te krone tot winnaar van de Kris, Wanjel en Orientasietoch 2016. Nao hun 3e plaats van veurig jaor bleefte zie mit 236 punte “Frans en Karl” (209 punte) ruum veur. De top 3 woort gecompleteerd door “Gertie en Jolanda” (201 punte).
Ein dik proficiat aan de winnaars en ein woord van dank aan Café Salden en natuurlik aan alle deilnummers.

Veer wunsje uch eine goeie roetsj en de bèste wunsje veur 2017!
Tot volgend jaor op 27 december tiejes de Kris, Wanjel- en Orientasietoch 2017!

Volledige oetsjlaag:
1. Driej en Ein 236 punte
2. Frans en Karl 209 punte
3. Gertie en Jolanda 201 punte

4. Familie Von Trapp 196 punte
5. Vinderspad 180 punte
6. Padvinders 163 punte
7. Cloots 157 punte
8. Laam 153 punte
9. 2+1 148 punte
10. Wenmakers 136 punte
11. Haartmans 78 punte
12. Lebens-Minkenberg 33 punte
13. Richard en Marcel 13 punte
14. Munt 0 punte

Nuujts

Door davyschrijen
Prins V.V. De Doale 2013. Auwt Prins sins 2014.

---

---