Aafhaole optochnummers

26 feb , 2011

Op de vriedigaovend veur de vastelaovend ( 4 maart ) waere waer de optochnummers aafgehaold.

Dit gebeurt in het gemeinsjapshoes tösje 19.00 en 20.00 oer.

Zowiej gebroekelik, zal jeder groep of buurt waat mit deit, ein sketsj opväöre euver hetgein waat men geit oetbeelde in de optoch.

Men zal ein tupke van de sjluier opluchte, mer ouch neit meer es dat.

Tösjedoor waere v’r dan getraktaerd op vastelaovesmeziek van de versjillende blaoskapelle die aanwezig zeen.

Al mit al genòg ingrediejente veur ein paar uurkes sjpas en plezaer en eine gouwe sjtart van de vastelaovend, oftewaal veurpruive.

Kòm dus gerös kieke, ouch es geer neit aan de optoch mit doot.

Geine entree

Belaef oetneudigend.

Het optoch-kòmmetee