BREAKING: Zoek je kaarten voor het 1e APL Open Air op 9 juli a.s. ? Klik hier!
Domino Muziek (http://www.dominomuziek.be) foto: Brigitta Timmers

Nuujts

Zeer gesjlaag weekend van de APL

24 nov , 2011  

Aafgeloupe vriedig en zoaterdig vong ut feesweekend plaatsj van de Auwt Prinse Garde Lömmerich.

Mansluuj- & Vrouwluujkiene

Vriedig om 19 oer ging de zaal aope veur de “Kienvotte” en dat höbbe wer geweite. De zaal waar te klein, zodat ’t improvisasie niveau van de Auwt Prinse danig oppe proof woord gesjteld. Gelökkig koosj ver al die luuj ein fein plaatsj gaeve, en koosjte ver same mit Dré en Antoinette oet Heerle, beginne aan de 11 kienrunj, mit geweldige pries.

Vereinigingskiene

Ut vereinigings kiene woord eine sjpannende sjtried tösje de Kesjteelbuurt en de Sjötterie. Veur de letste runj sjtinge de 2 kemphane geliek in puntje en zou de letste runj de besjlissing brenge. ‘T vereinigingskiene zou in eesjte instansie eine hoofpries van €111,- opbrenge, mer doordat ver baove de 111 kaarte hawe verkoch, woord de pries (Besjikbaar gesjteld door Cafe Salden + Kasjteel Lömmerich) verdubbeld waere door de organisaasje. De hoofpries van €222,- ging nao de letste runj nao de Sjötterie, mit 2 punte versjil.

Zaoterdig: Domino day

Zoaterdigaovend waar en woord eine aovend woo veul luuj nao oetgekeeke hawe. Ein werkelijk geweldig optraeje van Domino woo de vonke van aaf vlouge. De oetverkochte zaal koosj geneete van 3 top muzikante. Ut veurprogramma woord ingevöld door veur de eesjte maol Juulke (http://www.juulke.be/) nao Lömmerich te haole. Juulke deeg dit op ein veurtreffelijke meneer, woodoor de zaal al gans in sjtömming waor veur ut optreeje van Domino. In de pauze kwaame de sjnaake van de Getske Boys nog langs, om de ganse kraom te verzauwe. Domino haw mer 5 minute neudig om de zaal weer in sjtömming te kriege, om om kloksjlaag 01 oere 30 de letste noote, tot verdreet van ut ganse publiek, te sjpeele.

Foto’s waere nog geplaatsj de komende daag, ein filmke van pak weg 15 minuute kent ger hiejonger zeen.

httpvh://www.youtube.com/watch?v=S9eCEOgZXco

Sjtiekum weg kent ger nummer 17 al onthawte veur ut volgend jaor ! Jederein bedank dat ger dao waart!

, ,

mm Door



1 Response

  1. nieuw bericht: Zeer gesjlaag weekend van de APL http://t.co/Z6FTKLvG #limbricht #domino #feestweekend #Nuujts

Comments are closed.

mei 2020
M D W D V Z Z
« apr    
 123
45678910
11121314151617
18192021222324
25262728293031