BREAKING: Zoek je kaarten voor het 1e APL Open Air op 9 juli a.s. ? Klik hier!

Algemein, Doale, Nuujts

Vastelaovend 2020!

20 feb , 2020  

Nog ein paar urkes en dan barsj de Vastelaovend in ’t Doaleriek waer los! Laes gauw wiejer veur te kieke waat de kommende Vasteloavend allemaol op ’t programma sjteit.

Venaovend trappe v’r tradisjioneel aaf mit ’t Auwt Wieverbal bie kefee Salden oppe Pletsj. Vanaaf 21.11 oer zulle de sjoonste Auwt Wiever zich aan de Prinse en Prinses laote zeen en om 23.11 zal Miss Auwt Wief 2020 bekènd waere gemaak. Tösjedoor vènje d’r nog ein aantal sjieke optraejes plaats van onger angere Suze en Larissa, Sanne Cremers, Roy Meisters en DJ Tonny.

Vriedigaovend baeje v’r in de Vastelaovesmès veur sjoon waer en dat v’r de Vastelaovend ongesjonje doorkomme. De mès begint om 19.00 oer in de grote Salviuskirk.
Aansjloetend nao de mès kènne vanaaf 20.11 oer de optochnummers waere aafgehaold in gemeinsjapshoes “’t Waope van Lömmerich”. Elke deilnummer van de grote Vastelaovesoptoch zal ein klein tipke van de sjluier opluchte euver waat zie in de optoch gaon oetsjpooke.

Vastelaoveszaoterdig sjteit ’t Groot Grolsch Pletsjkonsaer op ’t programma. De kraem de la kraem op ’t gebied van Lömmerichse artieste aangevöld mit get Limburgse toppers zulle uch deze middig gaon vermake veurdat de Vastelaovend offisjeel wurt geaöpend mit ’t Maske ophange. Neemes minder es auwt-wènnaars en nr. 7 van ‘t LVK 2020 De Geliënde, Duo X-Elle en Duo Op-Os zulle onger angere hun opwachting make. Entree is uiteraard gratis en veur niks!

Op de zunjig zal d’r vanaaf 17.11 oere bie Kefee Salden Vastelaovend waere gevierd. Naodat de optochte in de omliggende plaatse zeen aafgeloupe zal d’r eine gezellige aovend bie Jiri en Birgit van waere gemaak.

’s Moandigs vink de grote Vastelaovesoptoch plaats door de sjtraote van ’t Doaleriek. Vanaaf 14.11 oer zulle diverse wages, groepe en einzelgengers zich gaon ammezaere en misjiens waal ein prieske in de wach sjleipe. Prins Harrie, Jeugprins Vinz en Jeugprinses Myrthe zulle de Daölkes en Daöllinekes langs de route waer traktaere op appelsiene en babbelaere. Aansjloetend vindjt ’t Optochbal plaats in ’t gemeinsjapshoes.

Daensdig sjteit sjus wiej anger jaore in ’t teike van de Vastelaovend veur de jeug. Vanaaf 15.11 oer begint ’t Kènjerbal in ’t gemeinsjapshoes, mit eine houp confetti. Nao ’t Kènjerbal verzamelt Vastelaovend-vierend Lömmerich zich oppe Pletsj om de drie gekke daag waer aaf te sjloete. Om 00.00 oer wurt ’t Maske verbrend en kènne veer vas en zeker truuk kieke op waer eine sjoone Vastelaovend.

Esjellegounsdig kènt d’r op diverse plaatse nog eine hering gegaete waere en wurt d’r bie Pesjtoor nog ein Esjkrutske gehaold.

Vastelaovend same!

Sjpaorbuikske Vastelaovend 2020!

mmDoor
Prins V.V. De Doale 2013. Auwt Prins sins 2014.



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

maart 2020
M D W D V Z Z
« feb    
 1
2345678
9101112131415
16171819202122
23242526272829
3031