BREAKING: Zoek je kaarten voor het 1e APL Open Air op 9 juli a.s. ? Klik hier!

Doale, Nuujts

Doale: Finn 1e & Demy 1e Jeugprinsepaar 2016

3 jan , 2016  

Vemiddig vòng in de Doale Tempel de oetruiping plaatsj van ’t kakelfrisje Jeugprinsepaar van Lömmerich.

Awt Jeugprinse Noud & Anniek v.v. de Doale

Veurdat de 2 nuuje heersers euver ’t jeugriek van de Doale oetgeroupe woorte, woort eesj aafsjied genomme van Jeugprins Noud  de 1e en Jeugprinses Aniek de 1e. Middels ein sjoon gesjreeve aafsjied richte zie ’t woord tot de Lömmerichse jeug en bedankte ze jeder Döälke en alle Doale veur de geweldige sjteun dae zie gehad höbbe in ’t aafgeloupe regeringsjaor. Anniek en Noud woorte nae ein geweldige èk van de Awt Jeugprinse dan ouch opgenòmme biej de Awt Jeugprinse.

Finn d’n eesjte & Demy d’n eesjte woorte daonao veurgestjeld aan alle aanwezige Doale mer veural aan de Lömmerichse jeug die in grote getale aanwezig ware.

Jeugprins Finn d'n Eesjte Doale LömmerichFinn d’n eesjte

Finn is geine onbekende in ’t Lömmerichse, al jaore löp hae veurop biej Sjötteriej Sint Salvius es bördjesdrager. Biej de drumband van de Sjötteriej is hae ouch aan de sjlaag om zien bördje bènnekort in te kènne levere. Vastelaovend is ‘m mit de pàplaepel ingegaeve, hae  löp al jaore mit in versjillende vastelaovesoptochte zowaal in Lömmerich en de grote optoch in Zitterd same mit ziene pap. Finn is eine zoon van Peter Schaeks & Miriam Cloots, zien prinselik palies sjteit aan de Burg. Nelissesjtraot in Lömmerich. Adelijkheid zit in de femieje want Peter waar al ens Jeugprins in Kunder & Prins van de Sjmautbüle in Einikoeze. Miriam ging in ’t verleeje de “bluimkes” al ens veurop ès Bloumekeuningin, same waare ze ouch nog ens 2x Sjöttekeuning en Keuningin van de Sjötteriej. Finn wurd mit de vastelaovend begeleid door wieze road lid Hans Jamar es adjudant.

_RVF6346Demy d’n eesjte

Demy kump oet ein rrrrichtig vastelaovesnès. Heure broor Bryan waar in 2010 al ens Jeugprins van de Doale, en pap Peter is ès lid van de wieze road ouch nog ens eine Awt Prins van de Sjmautbüle in Einikoeze. Meziek make is ein grote passie veur òs nuuje Jeugprinses, bugel sjpeelt zie biej Meziekgezelsjap de Vriendenkring in Lömmerich. Bakke en teikene zeen ouch 2 grote hobbies van Demy, dus mit die nonnevotte zit ’t dit jaor waal goud. Demy is ein dochter van Peter & Evelyn Cloots, heur prinselik palies sjteit aan de Michiels van Kessenich sjtraot in Lömmerich. Same mit heure paeternónk en Awt Prins Ger I (Sjrieje) ès adjudant zal zie door de vastelaovend gaon zjwiere.

Liefsjpreuk

Veer, kenjer van de Lömmerichse doale

Veer lache, sjprènge, danse en sjtraole

Veer doon dat mit ein lachend gezich,

De vastelaovend is veur Dich en Mich.

Persberichte / Proclamatie

pdf-logoProklemaasje Jeugprinsepaar 2016

pdf-logoPersberich Jeugprins Finn 1

pdf-logo

Persberich Jeugprinses Demy 1e

mmDoor



Comments are closed.

maart 2019
M D W D V Z Z
« feb    
 123
45678910
11121314151617
18192021222324
25262728293031