2020: Prins Harrie d’n Tweede!

21 jan , 2020

Aafgeloupe zaoterdig is, tiejes de oetveuring van de 9e edisie van “Herberg d’n Doal”, Harrie Wehrens oetgeroupe tot Prins Harrie d’n Tweede. Harrie zal same mit zien Jeugprinsepaar Vinz I en Myrthe I de kommende Vastelaovend veurop gaon en gaon heerse euver ‘t Doaleriek. Laes wiejer veur meer informasie euver de nuuje Prins!

Harrie is de 50e Prins in de historie van VV De Doale en hae zoug 53 jaor geleeje ‘t laevesleich in Nuth. Al ein aantal jaor woont hae same mit Yvonne en is d’r es jeugleider betrokke bie VV Zwentibold.

In het dagelikse laeve is Harrie wirkzaam bie 4PLUS bouwmaterialen in Bor en is Harrie pap van 3 zoons. Harrie zal begeleid waere door Renato Diederen, dae ’t kommende jaor es adjudant fungeert.

Harrie is de opvolger van Rowdy I, dae door ein ludieke ek woort opgenomme bènne de Auwt Prinsegarde Lömmerich. Veer heite Rowdy dan auch van harte welkom en wunsje haöm vaöl plezaer bènne de APL!

Prins Harrie II, veer wunsje dich ein sjitterend sezoen en heel vaöl sjpas en plezaer!

Os lid Eric I woort daonaeve door de Vastelaovesvereniging benuimp tot Erelid, es bliek van dank veur zien jaorelange inzèt en werk veur VV De Doale. Eric proficiat!

De resepsie van Prins Harrie, Jeugprins Vinz en Jeugprinses Myrthe vindjt volgende waek zaoterdig (1 fibberwari) plaats in gemeinsjapshoes “‘t Waope” in Lömmerich (18 oere 33).