Auwt Prinsegarde Lömmerich

t&m: Willem Gerritsen

Refrein:
Jao zo viere echte daole vastelaovend
Zo hawte ze de boel hiej aan de gank
Zo viere echte daole vastelaovend
En dat geit al drie-en-dertig jaore lank

Veurdat 't "Maske Daol" wurd opgehese
Sjtruimp t'r nog gans get water door de maos
V'r mótte eesj de nuje prins nog keize
Dat is tösje de kers en Sinterklaos
En nao nuujaor begint 't sirk te loupe
V'r zeuke nao de träöt en sjluppejas
De nuuje Doale-prins wurd oetgeroupe
Dat is veur ós t' sein veur lol en sjpas

De wageboewesj zeen neit meer te sjtoppe
Ze tummere en verve daag en nach
de mansluujzitting geit noojt nao de knoppe
zolang 't baer mer sjnel wurd róndjgebrach
‘t vastelaovesleidje wurd gekaoze
de hekse danse op 't heksebal
en veer gaon lekker zjwiere, sjwinge, raoze
jao, zo viere echte daole karneval

Door Awt Prins Pascal I '97

---