Auwt Prinsegarde Lömmerich

Aafgeloupe zaoterdig is, tiejes de oetveuring van de 8e edisie van “Herberg d’n Doal”, Rowdy Heyligers oetgeroupe tot Prins Rowdy d’n Eesjte. Rowdy zal same mit zien Jeugprinsepaar Bjarne I en Juul I de kommende Vastelaovend veurop gaon en gaon heerse euver ‘t Doaleriek. Laes wiejer veur meer informasie euver de nuuje Prins!
Rowdy is eine zoon van os lid Marcel I en Elly Heyligers en de lètste jaore ein van de kandidate veur ‘t Prinssjap. Dit jaor kump, zowie d’r zellef zaet, ziene Prinse-druim oet en moug d’r de scepter zwjejje euver ‘t Doaleriek.

Rowdy is tamboer van sjötterie Sint Salvius, wobie d’r auch ein besjtuursfunksie bekleid. Daonaeve zit hae geregeld aan de waterkantj van de Wiejert te vösje mit HSV de wiejert. Aangezeen Rowdy auch dèks bie Jiri aan de tap te vènje is, is Rowdy dus zeker geine onbekènde in ’t Lömmerichse.
Nao zien opleiding tot meubelmaker is Rowdy inmiddels in de voutsjpaore van ziene opa en pap getraoje, noe d’r es sjilder bie zien femiliebedrief Heyligers wirkzaam is.
Rowdy zal begeleid waere door Auwt Prins Guido I, dae ’t kommende jaor es adjudant van Rowdy fungeert.

Rowdy is de opvolger van Rudi I, dae door ein ludieke ek woort opgenomme bènne de Auwt Prinsegarde Lömmerich. Veer heite Rudi dan auch van harte welkom en wunsje haöm vaöl plezaer bènne de APL!

Prins Rowdy I, veer wunsje dich ein sjitterend sezoen en heel vaöl sjpas en plezaer!

Proficiat!

De resepsie van Prins Rowdy, Jeugprins Bjarne en Jeugprinses Juul vindjt aansjtaonde zaoterdig plaats in gemeinsjapshoes “‘t Waope” in Lömmerich (18 oere 33).

Nuujts

Door davyschrijen
Prins V.V. De Doale 2013. Auwt Prins sins 2014.

---

---