BREAKING: Zoek je kaarten voor het 1e APL Open Air op 9 juli a.s. ? Klik hier!

Auwt Prinse Lömmerich, Besjtuur

Besjtuurswijziginge

26 apr , 2016  

Aafgeloupe vriedig zeen d’r tiejes de lejevergadering ein aantal besjtuurswijziginge doorgeveurd. Auwt Prins Pascal naom aafsjied es veurzitter en auch Auwt Prins Jiri kondigde aan te sjtoppe es besjtuurslid. Laes gauw wiejer!

Auwt Prins Pascal waor leifs 14 (!) van de 17 jaor ,die hae in ’t besjtuur zaot, veurzitter van de Auwt Prinsegarde Lömmerich en hae vonj ’t langzaam tied waere om ’t sjtekske door te gaeve. Al die jaore haet Pascal ontzettend vaöl werk verrich veur de APL op alle gebiede. V’r zeen dan auch blie dat Pascal haet aangegaeve oppe achtergrondj te blieve ongersjteune bie ein aantal zake. Pascal, bedank veur dien jaorelange inzet en verdeinste veur de Auwt Prinse, en in ’t biezunjer veur ’t besjtuur!

De 3 vaere oppe Auwt Prinse-sjteek pronke vanaaf noe dan ouch oppe sjteek van Auwt Prins Marcel II, dae Pascal opvolg es veurzitter. Marcel, heel vaöl succes mit dien take es veurzitter!

Auch Auwt Prins Jiri goof aan te gaon sjtoppe es besjtuurslid. Jiri haet vanaaf 2009 deil oetgemaak van ’t besjtuur en vonj dat ’t tied woort veur frisj bloud. Net es Pascal haet Jiri aangegaeve oppe achtergrondj te blieve ongersjteune. Jiri, bedank veur dien verdeinste veur de Auwt Prinse en in ’t biezunjer veur ’t besjtuur!

De 2 vacante posisies in ’t besjtuur zulle waere ingevöld door Auwt Prins Mark en os nuujste lid Auwt Prins Guido. Auch hun wunsje v’r heel vaöl succes bènne ’t besjtuur!

Tot sjlot woort Auwt Prins Math II benuimp tot vice-veurzitter en treujt dus toe tot ’t dageliks besjtuur. Ouch veur Math: Heel vaöl succes!

mm Door
Prins V.V. De Doale 2013. Auwt Prins sins 2014.



Comments are closed.

mei 2020
M D W D V Z Z
« apr    
 123
45678910
11121314151617
18192021222324
25262728293031