BREAKING: Zoek je kaarten voor het 1e APL Open Air op 9 juli a.s. ? Klik hier!

Optochkómmetee

Prinsewaage 1975’t Optochkómmetee wilt gaer van te veure get regele, daoróm vraoge zie jederein dae mit wilt doon aan d’n optoch óm zich van te veure in te sjrieve. Dat kènt gemekkelik door óngersjtaonde gegaeves in te völle en te versjikke.

Of geer noe es Einselgenger, gróp of mit eine wage mit gaot, gaef uch allenej op tied op. Leifs veur 25 fibberwari.

G’r kènt uch optochnummer ophaole op vriedigaovend 1 maart tösje 20 oere 11 en 21 oere 22 in ‘t gemeinsjapshoes. De sjurie zal dan auch dao zeen wó door jedere deilnummer in ’t gelaeg wurt gesjtèld óm zien Vastelaoveskrejasie en idee te óngerboewe mit achtergróndj-informasie.

Prins Rowdy d’n Eesjte, Jeugprins Bjarne d’n Eesjte en Jeugprinses Juul en de Wieze Raod zulle d’r auch bie zeen óm uch dae aovend alvas te danke veur ’t mitdoon en óm uch te traktaere op ein lekker nónnevot. Auch de luuj die neit aktief aan de optoch mitdoon, zeen van harte welkom op deze aovend en de entree is vrie veur Jan en Alleman.

Op Vastelaovesmaondig vertrèk d’n optoch óm 14 oere 11. Es deilnummer wurt g’r verzóch óm uch op tied op te sjtèlle oppe Burgemeister Couneplein.

Ónger de optoch wurt van uch verwach dat geer ’t optochnummer op ein zichbare plaats mit uch draag, dit in verbandj mit de sjuraering en de samesjtèlling/indeiling van de optoch. Volg aanwiezinge op van ózze optochbegeleiders.

Ónger d’n optoch zal de sjurie kieke nao:

A – Aafwirking en verzörging,
B – Aktewaliteit,
C – Vastelaovesechtige.

Daonaeve wurd auch dit jaor aafzunjerlik gesjuraerd veur de prestisjeuze “Sjwaegelekremer”. Veur deze pries kómme alle deilnummers in aanmirking. ln dees kategorie wurd door de sjurie veural gelèt op:

  • orzjinaliteit
  • Vastelaovesechtige
  • humor
  • ‘t Lömmerichs illemènt

Kortóm de sjoonste, de bèste, de leukste van de ganse optoch, dae wint de:

“Sjwaegelekremer”

Names optochkómmetee en sjurie danke veer uch bie veurbaat veur de mitwirking en de muijte.

Auwesj lèt zellef good op uch kènjer, want ein óngelök zit in ein klein huikske.

Auwt Prinse Garde Lömmerich, optochkómmetee en/of Vastelaovesvereiniging de Doale drage gein verantjwoording veur óngelökke die zich veur, nao of ónger d’n optoch veurdoon: jederein deit mit of kik op eige risiko.

Höb g’r eine wage?

Zörg dan veur minstes 2 begeleiders naeve de wage die alles good in de gate hauwte en ……………………………..eine nuigtere sjefeur 

Wilt geer get vraoge aan of zègke taege ’t optochkómmetee?

Sjrief dat dan hiej ónger en klik op “versjikke”

Optochkómmetee

februari 2019
M D W D V Z Z
« jan    
 123
45678910
11121314151617
18192021222324
25262728