Auwt Prinsegarde Lömmerich

Gister haet de jaorlikse Kris, Wanjel en Orientasietoch, georganiseerd door de Auwt Prinsegarde Lömmerich, plaats gevonje. In ein lente-achtig waerke koosj men lekker get wanjele mit get doordènkers tösjedoor. Laes wiejer veur eine truukblik!
Tösje hauf 2 en hauf 3 koosj d’r waere ingesjreve bie de sjtartplaats, Café Salden. Veuraaf waore al get luuj, via ’t nuujste medium Nextdoor, in paniek geraak wat betruf de houte bördjes die aan de lantaarnpaöl of buim waore bevestig. Naodat dees luuj waore gerös gesjtèld, koosj d’r waere gesjtart aan de route. Diverse vraoge waore tiejes dees route te vènje langs de kantj van de waeg. Vraoge die betrèkking hejje op Lömmerich, algemeine vraoge en get vraoge die langs de route waore te vènje: d’r waor eine leuke mix gemaak van vraoge en ein aantal daovan bleke echte breinbraekers. Op de pauzeplaats koosj tösjedoor nog ein hepke en ein drenkske waere genuttig.

Maar leifs 19 groepe, mit in totaal 90 persone, hejje zich om 14.30 ingesjreeve. Ein fantastisch aantal, en v’r haope dan ouch dat dees deilnummers onger de indruk zeen geraak van de toch en dat vr ze volgend jaor waer mouge begroete!

Rondj de klok van 17 oer waore alle deilnummende groep bènne en vervolgens koosj de balans waere opgemaak.

Oeteindelik wis groep “Twinnie 1” zich te krone tot winnaar van de Kris, Wanjel en Orientasietoch 2015. Mit 217 punte bleefte zie “Twinnie 2” (205 punte) nip veur. De top 3 woort gecompleteerd door groep “Driej en ein” (173 punte).

Ein dik proficiat aan de winnaars en ein woord van dank aan Café Salden en natuurlik aan alle deilnummers.

Tot volgend jaor op 27 december tiejes de Kris, Wanjel en Orientasietoch 2016!

Volledige oetsjlaag:
1. Twinnie 1 217 punte
2. Twinnie 2 205 punte
3. Driej en Ein 173 punte
4. Minions 163 punte (nao besjlissingsvraog)
5. Karl, Frans en Gertie 163 punte (nao besjlissingsvraog)
6. De Bliej Blötsje 141 punte
7. E.T. On Tour 134 punte
8. Nostalgie 125 punte
9. Sep en Lisa 103 punte
10. Ruud en Guido 101 punte
11. Heij vr os mer besjete 100 punte
12. Sjöttedöppese 89 punte
13. Team Job 83 punte
14. Sjaöpkes van Betlehem 82 punte
15. Verboort 62 punte
16. Vincent en Monique 59 punte
17. Luijten 49 punte
18. Assebach 0 punte
19. De spoken Die zeen v’r nog aan ’t zuike!

Nuujts

Door davyschrijen
Prins V.V. De Doale 2013. Auwt Prins sins 2014.

---

---