Oetsjlaeg ALAPS 2016

21 sep , 2016

Aafgeloupe zunjig vonj de 2e edisie van ALAPS (Auwt Lömmerichse Auwt Prinse Sjpele) plaats. In ein heerlik waerke koosj d’r waere ingesjreve veur de welbekènde 3 ongerdeile: Langsaam fitse, Kratsjtapele en Eiersjmiette. Wilt g’r weite wae dees ongerdeile wènnend wiste aaf te sjloete? Laes dan gauw wiejer!

In de categorie Langsaam fitse wis Stijn Cobben (zoon van Auwt Prins Ralph I) de eesjte plaats nao zich toe te trèkke. Stijn wis ’t oetgezatte parcours het langsaams aaf te lègge en moch dan auch de wisseltrofee in ontvangs numme. Stijn Proficiat!

Winnaar Langsaam fitse: Stijn Cobben

In de categorie Kratsjtapele wiste de regerende winnaars Ger Sjrieje en Davy Sjrieje hunne titel te prolongere. Leifs 21 kratte wiste ze opein te sjtapele en zo de konkurrentie achter zich te hauwte. Ger en Davy Proficiat!

Winnaar Kratsjtapele: Davy Sjrieje en Ger Sjrieje!

In de categorie Eiersjmiette <12 bleke Sjuul Lebens (dochter van Auwt Prins Frank I) en Imke Vervoort (dochter van Auwt Prins Marcel II) de wietste aafsjtandj gegooid te höbbe. Mit ein dikke 10 meter kroonde zie zich tot winnaars van ’t Eiersjmiette onger de 12 jaor. Sjuul en Imke Proficiat!

Winnaars Eiersjmiette <12: Imke Vervoort en Sjuul Lebens!

Tot sjlot de categorie Eiersjmiette >12. Mit eine aafsjtandj van ruum 28 meter in de finale toonde zich Peter Schaeks en Marco Lebens de sjterkste en mochte de wisselbaeker in ontvangs numme. Peter en Marco Proficiat!