BREAKING: Zoek je kaarten voor het 1e APL Open Air op 9 juli a.s. ? Klik hier!

Algemein, Doale, Nuujts

Jeugprins Thuur I en Jeugprinses Britt I!

8 jan , 2018  

Gistermiddig zeen, tiejes ein gezellig drökke Jeugzitting, Thuur Brouwers en Britt Smeets oetgeroupe tot Jeugprins en Jeugprinses! Same zulle zie ’t Jeugprinsepaar van 2018 vorme en veurop gaon tiejes de kommende Vastelaovend!!

Thuur is 11 jaor en eine zoon van Peter en Karen Brouwers en ein braörke van Auwt Jeugprins Noud I (2015). Hae zit in groep 8 van De Lemborgh en nao sjool voetbalt Thuur gaer get mit vrunj, sjpeelt d’r gaer get sjpelkes op ziene smartfoon en kik d’r gaer nao filmkes van The Voice of Holland. Thuur is dan auch lid van V.V. Zwentibold en van Tennisklup Panta Rhei. Zien Prinselik palies bevindjt zich in de Salviussjtraot.

Auch Britt is 11 jaor en ein dochter van Frank Smeets en Evelyn Welters. Nao sjooltied geit Britt ’t leefste direk nao danssjool Urban Dance Factory of geit ze gezellig get shoppe mit haör vriendinne. Vastelaovend viere zit Britt, sjus wiej Thuur, in ’t bloud en ze is dan auch ummer in ’t Doaleriek te vènje mit de drie gekke daag. Britt’s Prinselik palies sjteit in de Professor Mentenlaan, wo ze same woont mit pap en mam en braörke Dylan.

Aaftraejend Jeugprins Loeka en Jeugprinses Dané woorte op ein ludieke manaer opgenomme bènne de Auwt Jeugprins(esse).

De liefsjpreuk van ’t nuuje paar luidt es volg:

Kiek os hie noe èns sjtaon, vaere op de sjteek en ein kreunke op de kop, Veer weite ’t zeker, deze Vastelaovend wurt helemaol top!

De resepsie van Thuur en Britt zal zeen op zaoterdig 20 jannewari vanaaf 18.33 oer in gemeinsjapshoes “’t Waope” van Lömmerich.

Veer wunsje Jeugprins Thuur I en Jeugprinses Britt I ein geweldig en overgaetelik sezoen!

Proficiat!

Jeugprins Thuur I en Jeugprinses Britt I!

mm Door
Prins V.V. De Doale 2013. Auwt Prins sins 2014.



Geef een reactie

Het e-mailadres wordt niet gepubliceerd. Vereiste velden zijn gemarkeerd met *