BREAKING: Zoek je kaarten voor het 1e APL Open Air op 9 juli a.s. ? Klik hier!

Doale, Nuujts

Jeugprins Bjarne I en Jeugprinses Juul I!

5 jan , 2019  

Aafgeloupe zunjig zeen, tiejes ein gezellig drökke Jeugzitting, Bjarne Diederen en Juul Lebens oetgeroupe tot Jeugprins en Jeugprinses! Same zulle zie ’t Jeugprinsepaar van 2019 vorme en veurop gaon tiejes de kommende Vastelaovend!!

Bjarne is 11 jaor en eine zoon van Renato en Desiree Diederen. Hae is ein braörke van Auwt Jeugprins Loeka I (2017) en hae zit in groep 7 van SBO Mozaiek. Nao sjool voetbalt Bjarne gaer get mit vrunj, sjpeelt d’r gaer get sjpelkes op de pleej-steesjun en loestert d’r nao meziek van Lil Kleine, Kartoesj en Spik en Span. Bjarne is dan auch lid van V.V. Zwentibold en daonaeve is hae auch nog lid van sjötterie Sint Salvius, wo hae es bördjesdrager veurop löp. Es tamboer kènt hae al aardig get marsje mittromme en de lètste 3 jaor haet Bjarne zichzelf gekroond tot “Jonker”. Zien Prinselik palies bevindjt zich in de Van Breijlsjtraot.

Auch Juul is 11 jaor en ein dochter van Danielle Lebens en os lid Frank Lebens. Nao sjooltied geit Juul ’t leefste get sjoppe of ein ieske aete mit vriendinne en daonaeve handjbalt ze bie HV Born in de D2. Vastelaovend viere zit Juul, sjus wiej Bjarne, in ’t bloud en ze is dan auch ummer in ’t Doaleriek te vènje mit de drie gekke daag. Ozze veurzitter Marcel II zal Juul ’t kommend jaor gaon begeleije es adjudant en Juul’s Prinselik palies sjteit in de Pagesjtraot, wo ze same woont mit pap en mam en braörke Vik.

Aaftraejend Jeugprins Thuur en Jeugprinses Britt woorte op ein ludieke manaer opgenomme bènne de Auwt Jeugprins(esse).

De liefsjpreuk van ’t nuuje paar luidt es volg:

Veer wille danse, viere, hósse en sjprenge,
Mit jederein keihel vastelaovesleidjes gaon zenge.
Doe kens vastelaovend viere mer doe mougs ouch gerös karnavalle,
Veer zeen Bjarne en Juul en gaon deze vastelaovend es Lömmerichs jeugPrinsepaar knalle!

De resepsie van Bjarne en Juul zal zeen op zaoterdig 19 jannewari vanaaf 18.33 oer in gemeinsjapshoes “’t Waope” van Lömmerich.

Veer wunsje Jeugprins Bjarne I en Jeugprinses Juul I ein geweldig en overgaetelik sezoen!

Proficiat!

mmDoor
Prins V.V. De Doale 2013. Auwt Prins sins 2014.



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

maart 2019
M D W D V Z Z
« feb    
 123
45678910
11121314151617
18192021222324
25262728293031