Auwt Prinsegarde Lömmerich

Mit zeer grote versjlageheid höbbe veer gisteraovend kènnis genomme van ‘t euverlieje van os zeer gewaardeerd lid Auwt Prins Peter II (Wolters). Peter haet de zjwaore sjtried dae hae de lètste waeke op de IC haet motte levere neit mouge wènne en haet sjlechs 56 jaor mouge waere.

Peter waor in 1990 Prins van VV De Doale en nao  zien aaftraeje trooj Peter toe tot de Auwt Prinsegarde Lömmerich wo hae later auch nog ein besjtuursfunksie bekleijde. Veer herinnere os Peter es ein toegewied en troew lid mer baovenal es ein ontzettend werm persoon. Dees toewiejing en wermte brach hae euver op gans (Vastelaovendvierend) Lömmerich, in ‘t bezunjer tiejes zien periode es Vors van de Doale.

Veer wunsje Nicole, Bart, Jelle, Auwt Prins Marcel III, Tamara, Bram en de ganse femilie Wolters heel vaöl sjterkte en krach om dit grote verleis te kènne drage. Zogauw de omstanjigheeje ‘t toelaote zulle veer op ein passende menaer aafsjied van Peter numme.

Peter, rös zach. Weurd sjeite tekort. Veer zulle dich nooit vergaete…

Besjtuur en leeje Auwt Prinsegarde Lömmerich

Nuujts

Door davyschrijen
Prins V.V. De Doale 2013. Auwt Prins sins 2014.

---

---