Auwt Prinsegarde Lömmerich

Tradisjoneel vink Vastelaoveszaoterdig (22 fibberwari) ’t Pletsjkonsaer plaats oppe Pletsj in Lömmerich… De aaftrap van de Lömmerichse Vastelaovend!

De kraem de la kraem op ’t gebied van Lömmerichse artieste aangevöld mit get Limburgse toppers zulle uch deze middig gaon vermake veurdat de Vastelaovend offisjeel wurt geaöpend mit ’t Maske ophange.

Dit jaor zulle meervoudig LVK-finalis Duo X-Elle ein optraeje verzörge, sjus wiej oud-wènnaars De Geliënde. Limburgse top oet Mesjtreich en Hulsberg dus op ’t sjoonste aope-loch evenement van de regio!

Uiteraard krig auch de jeug ein podium op ’t Pletsjkonsaer in Lömmerich, zo wie Sanne Cremers en neit te vergaete de Auwt Jeugprinse en Jeugprinsesse Lömmerich.

De Sjwaegelebend, Leymborghkapel, Kapèl Niks Dao oet Zitterd en ozze eige APL-kepel zulle de richtige vastelaovessjtömming brènge op en naeve ’t podium. Daonaeve zulle ozze plaatselikke artieste Drie & ein, Suze & Larissa, de Vraem Veugel en Koep Marie hun sjoonste leidjes euver de pletsj laote galme. Op ‘t sjpel sjteit natuurlik de befaamde Pierlala: de pries veur ‘t bèste optraeje van de middig!

‘T Groot Grolsch Pletsjkonsaer begint om kloksjlaag 13 oere 11 en de enteee is uiteraard gratis en veur niks! Pès 22 fibberwari oppe Pletsj in Lömmerich!

Nuujts

Door davyschrijen
Prins V.V. De Doale 2013. Auwt Prins sins 2014.

---

---