Auwt Prinsegarde Lömmerich

Op 27 desember haet de jaorlikse Kris, Wanjel en Oriëntasietoch, georganiseerd door de Auwt Prinsegarde Lömmerich, plaats gevonje. Op “3e Kersdaag” koosj men lekker get wanjele mit get doordènkers tösjedoor. Laes gauw wiejer veur eine truukblik!

Tösje 18.30 oer en hauf 19.30 oer koosj d’r waere ingesjreve bie de sjtartplaats, Café Salden. Door middel van op te losse besjlisdiagramme woort de route bepaald en daonaeve kreegte de groepe vraoge die betrèkking hejje op Lömmerich, algemeine zake en get vraoge die langs de route waore te vènje veur gesjoteld. D’r waor dus eine leuke mix van vraoge gemaak en ein aantal daovan bleke echte breinbraekers. Op de pauzeplaats koosj tösjedoor nog ein hepke en ein drenkske waere genuttig.

7 Groepe, mit in totaal zo’n 40 persone, hejje zich om 19.30 oer ingesjreeve. Vol gooije moud woort d’r door de deilnummers begoosj aan de toch en v’r haope dan ouch dat dees deilnummers onger de indruk zeen geraak en dat v’r ze volgend jaor waer mouge begroete!
Rondj de klok van 22.45 oer waore alle deilnummende groepe bènne en vervolgens koosj de balans waere opgemaak.

Oeteindelik wis groep “Kippen I” zich te krone tot winnaar van de Kris, Wanjel en Oriëntasietoch 2019. Mit 220 punte bleefte zie groep “FC die van Bor” (217 punte) mit ein kleine veursjprongk veur. De top 3 woort gecompleteerd door groep “Karl, Frans en Gertie” (215 punte).

Ein dik proficiat aan de winnaars en ein woord van dank aan Café Salden en natuurlik aan alle deilnummers.
Tot volgend jaor op 27 desember tiejes de Kris, Wanjel en Oriëntasietoch 2020!

Volledige oetsjlaag:
1. Kippen I, 220 punte
2. FC die van Bor, 217 punte
3. Karl, Frans en Gertie, 215 punte

4. Jack, Jose en Henk, 202 punte
5. Doog mer get, 189 punte
6. Geweun wie veurig jaor, 164 punte
7. Kippen II, 0 punte

Nuujts

Door davyschrijen
Prins V.V. De Doale 2013. Auwt Prins sins 2014.

---

---