Auwt Prinsegarde Lömmerich

Dit jaor besjtaon v’r 33 jaor. ‘T klink gek mer ein van de lestigste dénger in die 33 jaor is: wie krigs ze de ganse kraom ens kompleet op ein foto ?

Dit probleem wurd ouch nog ens mit ’t versjtrieke van de jaore sjeeds lestiger, 11 jaor geleeje miste v’r de voetballende leeje, mer toch ein prachtige foto op de kirmis kénne maake. Dit jaor hawe v’r de sjtoute sjoon weer aangestrókke es besjtuur en eine fotograaf gesjtrik. De fotograaf zou op zunijg veur de receptie ein foto komme maake in ’t gemeinsjapshoes. D’r waare nog ein paar sjieke ideeje aangedraage door de fotograaf zelf, mer dit waar waeges tiedrök helaas neit haolbaar.

Paul (Broor van Wim I) haet zich de letste jaore toegelach op de profesjoneele fotografie … óze fotograaf waor dus gevonje.

Paul zörgde veur ein heuse fotostudio in ’t Gemeinsjapshoes van Lömmerich.

Zo gezach zo neit gedaon … wie krigs ze eine tróp oetgelaote Awt Prinse (compleet op eine zieke nao helaas … ) in ’t gereel ? V’r vermoede dat Paul zich dees vraog heel déks haet aafgevraog dae middig ..

Nao ein fotosessie woord ’t resultaat bekeeke bie Paul toes, en kwaam Paul tot de konkluuzie dat de foto’s helaas neit de kwaliteitstes van Paul koosjte doorsjtaon … Paul wilt revange, dit mot de beste fotograaf van Lömmerich toch gaon lökke ?

De grootste tes haet Paul al doorsjtange, hae is nog neet gans geslaag, mer v’r zeen d’r van euvertuug dat ‘m dat geit lökke, veur al die anger foto’s kent g’r noe al bie höm terech, kiek ouch ens op ziene sait: http://www.stonewoodfotografie.nl/

Door Awt Prins Pascal I '97

---