BREAKING: Zoek je kaarten voor het 1e APL Open Air op 9 juli a.s. ? Klik hier!

Doale, Nuujts

Doale: Davy Vinclair wurd Prins Davy 2e

9 jan , 2016  

Davy Vinclair is zo sjus oetgeroope es Prins Davy d’n tweede van v.v. de Doale.

Herberg d’n Doal

In eine oetverkochte Doaletémpel woord veur de 5e x in successie Herberg d’n Doal geäöpend. Veul luuj waare getuug van eine prachtige aovend vol sjpass gebrach door luuj oet Lömmerich veur de luuj oet Lömmerich.

Prins Guido I

Veur Prins Guido I waar de aovend es Prins van de Doale sjnel veurbiej. Es eesjte act woort aafsjied genomme van Prins Guido, woomit ein enj kwaam aan zien sjieke regeringsjaor. Prins Guido waar duudelijk greutsj op zo’n geweldig jaor en bedankte alles en jederein dae höm ’t aafgeloupe jaor, in welke vorm dan ouch, gesjteund haet tiejes zien Prinssjap.

Davy Vinclair

Aan ’t enj van de Herberg woord dan eindelijk bèkend gemaak wae dit jaor de vastelaovestrein moug gaon besjtuure. Davy Vinclair woord geproclameerd es nuuje Heerser van v.v. de Doale, en geit vanaaf vandaag door ’t laeve es Prins Davy d’n tweede.

Davy is ‘nne telg van Jules & Annelies Vinclair, en haet zien prinselijk palies aan de Vredeslaan te Lömmerich. In 2012 waar dit ouch al ’t prinseliek palies van ziene broor Mike. Davy sjpeelt trompèt biej de sjötteriej en verwirk, es fèrvent Ajax fen, de kilo’s sjportief weg biej de voetbalclub. In ’t dageliks laeve verdeent d’r ziene kos, mit kwas en rollers, es sjilder biej de firma Heythuyse. De vriegezèlle dames oet Lömmerich höbbe pech, want Davy haet zien hertje al verkoch aan zien vriendin Stefanie, ein kleindochter van wiele Awt Prins Sjra v/d Vleisjhuijer.

Ongertösje ontpoppe de Toepesj zich es hofleverancier van prinse, want ouch Davy is lid van de Toepesj en ongertösje de 6e prins oet dit illustere gezèlsjap.

Ozze hoogheid Prins Davy d’n 2e wurd biegestange door ziene naamveurgenger, en adjudant, Awt Prins Davy d’n eesjte.

Recepsie

Prins Davy zal same mit, de veurige waek oetgeroupe, Jeugprins Finn en Jeugprinses Demy resepsie hawte op 16 jannewari vanaaf 18 oer 33 in de Doaletempel.

20151228_email_receptiekaart-1

20151228_email_receptiekaart-2

Downloads

[ddownload id=”2554″ button=”green” text=”Proklemasie Prins Davy 2″]

Door



Comments are closed.

januari 2019
M D W D V Z Z
« dec    
 123456
78910111213
14151617181920
21222324252627
28293031