BREAKING: Zoek je kaarten voor het 1e APL Open Air op 9 juli a.s. ? Klik hier!

Algemein

Kowsjiete oetgesjteld … zo goud és!

25 jun , 2012  

Gistere vong op ’t sjeetterein van Sjötterie Sint Salvius ’t jaorlikse Dörpsjeete plaatsj. De Awt Prinse leete Bertha VII in de wei graaze !

Bertha VII keem rondj ein oer of 1 richting Lömmerich mit spesjaal verveur, woo-in ’t heur aan niks ontbrouk. Ze waar geliek op heur gemaak, want veurdat ze toes vetrok loug de kar al vol mit datgein ver lever op de wei hawe gezeen.

Dat Bertha VII goud op de heugte waar van heur taake, bleek waal naodat de organisaasje van de Sjötterie haw besjlaote om rondj hauf 3 ein punt achter ’t Dörpssjeete te zette aangezeen ’t waer van geine kantj wou mitwirke.

Bertha VII leet zich neet oet ut veldj sjlaon, en zörgde derveur dat de euvergebleeve luuj neet lang haufde te wachte. Om precies 15 oere 41 lag zie ein geweldige flat neer.

De sjietmeisters höbbe geliek gemaete en gepas, en door de notaar laote opsjrieve. Helaas waare de meesjte luuj al gevlaoge nao wermere plaatsje woordoor de priesoetreiking, of de bekend making van ’t wennende laot gein plaats haet gevonge.

Op 19 augustus zal de Sjötterie ’t Dörpssjeete opnuuj gaon organisere. De Auwt Prinse zulle dan bekend maake welk laotnummer de gelukkige is. Veuropgesjteld, ut laotnummer is ouch bie os neet bekend, veer trekke ouch pas op 19 Augustus ’t wennende veldj en kenne dan pas bepaale welk laot ’t wennende laot is.

D’r zeen nog ein paar Kowsjiet laote besjikbaar, wilt ger der nog koupe, want misjien zit hiej waal de wennende biej, dan kent ger terech biej de Auwt Prinse.

mm Door



1 Response

  1. Nuuj berig: Kowsjiete oetgesjteld … zo goud és! http://t.co/4oh2Zui9 #limbricht #vastelaovend

Comments are closed.

augustus 2020
M D W D V Z Z
« apr    
 12
3456789
10111213141516
17181920212223
24252627282930
31