BREAKING: Zoek je kaarten voor het 1e APL Open Air op 9 juli a.s. ? Klik hier!

Algemein

Frühsjoppe oppe Pletsj

10 aug , 2011  

Kènt g’r t’ uch noch herinnere? Es t’r get te doon waor in ’t dörp, ein fees van de ein of anger vereiniging, dan waor ein vas programma-óngerdeil oppe zunjigmörge ’t frühsjoppe. De kapel sjpeelde dan de ein nao d’n angere wals of polka mit ein hoog Egerländergehalte. En de luuj van Lömmerich drónke zich ein pilske, maakde ein denske en ammesaerde zich tot dik in de middig.

Dees gezèlligheid wille veer waer trök in ’t dörp en daoróm organisaert Kómmetee Maske Doal op zunjig 18 september frühsjoppe in Cafe Salde oppe Pletsj.

Vanaaf 10 oere 30 kènt geer dao terech veur sjpek mit eier, ein pilske, ein glaeske wien of get zónger alcohol. Geer kènt óngerwiel geneite van laevende meziek, “volkstümlich” mer toch oug popelaer. Tot 15 oere betaalt geer daoveur eine vaste pries van 25 euro (alles bie inbegrepe), egaal wieväöl eier g’r aet of pilskes geer drènk. Mer let op: Kómmetee Maske Doal geuf mer 80 entreekaarte oet. Op is op, dan de volgende maol eder d’rbiej zeen. Kaarte kènt g’r besjtèlle bie Jack Limpens (jacklimpens@gmail.com). Geer heurt dan van Jack wie dat g’r kènt betale. En es dat gebeurt is zeet g’r zeker van ein entreekaart.

Bèn d’r dus op tied bie!

Tot 18 september oppe Pletsj in Lömmerich.

Uch belaef oetneudigend.

Kómmetee Maske Doal

,

mm Door



4 Responses

  1. Info euver frühsjoppe Maske Doal moug g’r netuurlik allemaole rietwiete (retweet): http://t.co/U9rHAD2 #lömmerich #limbricht #maskedoal

  2. frühsjoppe oppe Pletsj in #Limbricht #caféSalden op 18 september. Kaarte à 25 euro (All In) bie jacklimpens@gmail.com. http://t.co/U9rHAD2

  3. nieuw bericht: Frühsjoppe oppe Pletsj http://t.co/xlh70rL #limbricht

  4. Frühsjoppe oppe pletsj. D’r zeen nog kaarte te koup veur 25 euro (aete en drènke) bie jacklimpens@gmail.com
    http://t.co/xsSECWU

Comments are closed.

januari 2021
M D W D V Z Z
 123
45678910
11121314151617
18192021222324
25262728293031