BREAKING: Zoek je kaarten voor het 1e APL Open Air op 9 juli a.s. ? Klik hier!

Pletsjkonsaer

Pletsjkonsaer 2010

1 feb , 2010  

Nog ein klein 2 waeke, en dan bruk de sjoonste tied aan veur ós sjiek Prinse paar: Prins Salvian d’n eesjte en Jeugprins Timo d’n eesjte.

De sjtart van de vastelaovend vingk tradisiegetroew aan mit ’t ophange van Maske Doal. Veur dat ’t maske opgehange wurd, zörge de Auwt Prinse d’r ouch ongertösje tradisiegetroew veur dat de sjtömming al goed drin kump.

Net zo wie anger jaore vingk ouch dit jaor weer ’t Pletsjkonsaer plaatsj. Ein sjoon sjpektakel mit lokale en regionale artieste. Eine arties (grop) kenne ver al verklappe, Kartoesj zal ouch dit jaor weer ’t Pletsjkonsaer oploestere mit hun geweldige leedjes.

‘T Pletsjkonsaer sjteit daobiej natuurlik ouch nog ff sjtil bie ós sjoon Jubileijumjaor (3×11). Ver zörge d’r dit jaor zelfs veur dat mer leifs 33 leedjes op de planke waere gebrach door lokale en regionale artieste. ‘T bepaale van dees 33 leedjes höb geer de aafgeloupe maonje masaal gedaon door mit te sjtömme via de top 33. Wat de oetsjlaag wurd kent g’r zelf komme beloestere op zaoterdig 13 fibberwari, ver sjtarte dit jaor extra vruig, om kloksjlaag 11 oere 11 geit ’t fees van sjtart.

Belaef oetgeneudig,

Auwt Prinse Garde Lömmerich

mm Door



Comments are closed.

juli 2020
M D W D V Z Z
« apr    
 12345
6789101112
13141516171819
20212223242526
2728293031