Auwt Prinsegarde Lömmerich

Vandaag woord Bertha 0790 weer van sjtal gehaold om heur beste peutje veur te zette tiejes ut Dörpsjeete van Sjötterie Sint Salvius Lömmerich.

Bertha 0790

De euvervolle agenda van Bertha 0790 zörgde derveur dat vandaag de einigste daag waar dat Bertha 0790, net truuk van ein welverdeende vakans, heur opwachting koosj maake veur de Auwt Prinse Garde Lömmerich.

Nao ein bezunjer zjwoare toch van heur ongerkomme aan de Beukeboumsewaeg nao ’t sjtriedtoneel oppe Sjötterswei van Sjötterie Sint Salvius Lömmerich (de vakansie zout heur nog in de bein), koosj Bertha 0790 al gaw heure dreej venge op de, door de APL aangelachte, wei. Om exact 15 oer woord ’t sjtartsjot gegaeve, zodat Bertha 0790 precies woos wat heur te doon sjting.

Flat perfectum

Om eksak 16 oere 33, besjloot Bertha 0790 om ein eind aan alle sjpanning te maake, en lag ze ein perfekte flat neer op 6 maeter vertikaal taege 3 maeter horizontaal. De ingenieurs van de Auwt Prinse Garde koosjte aan ’t werk, om via de modernste lasertechniek precies oet te maete welk nummer biej dees lokasie heurt.

Vak nr: 1052 keem es wennaar oet de bös, en nao de bekendmaking bleek de wennaar, mede door de perfekte administratie van de verkuiper van de laote: Chris Wehrens te zeen.

 

chris wehrens, kowsjiete

Door Awt Prins Pascal I '97

---

---