BREAKING: Zoek je kaarten voor het 1e APL Open Air op 9 juli a.s. ? Klik hier!

Evenemente

1e Lindeboom Limburgs Kampioensjap Krattesjtapele groot sukses!

15 sep , 2008  

Gistere vong onger groote belangsjtelling ut eesjte Lindeboom Limburgs Kampioensjap Krattesjtapele plaatsj in Lömmerich. Onger ein sjtraolend zunke noeme diverse teams deil aan dit ludieke kampioensjap. In ein sjpannende finale trokke ut Duo Manon en Steven aan ut langste enj, en kenne zich ein gans jaor Limburgs Kampioen Krattesjtapele nuime.

De wedsjtried vong plaatsj volges de regelemente van de APL. Eine persoon moosj de kratte omhoog brenge woobiej de 2e persoon van ut team de kratte moosj aanlevere en onger de sjtapel moosj duuje. Dat dit mekkelikker oetzoug dan ut werkelijk is woord al gaw duudelijk. In ut begin woorte mit muijte 12 / 13 kratte gesjtapeld, maar wie langer de daag doerde gruijde ouch de sjtapel kratte gesjtaag. Mit ein nuuj record van 20 kratte woord de finale aafgesjloate.

Manon en Steven brachte ein nuuj record van 19 kratte op papier woomit ziej ut eesjte Limburgs Kampioensjap veur zich op eiste. In de finale om de 2e en 3e plaatsj evenaarde de latere nummer 2 van dit kampioensjap (Jos en Steven) ut rekord, woonao ziej der nog ein krat opzatte en ut rekord van 20 kratte neerzatte.

Al mit al ein gesjlaagde eesjte keer veur dit evenement.

Ut kowsjiete woord gewonne door Maurice Wagemans, mit laotnummer 412. Berta III deig ouch weer heur sportieve plich, naodat zie in ein perfek aangelagte wei de ganse middig ut krattesjtapele haw bezichtig.

,

mm Door



Comments are closed.

mei 2020
M D W D V Z Z
« apr    
 123
45678910
11121314151617
18192021222324
25262728293031