Loeënde klokke .... waat sjteit te gebeure

Loeënde klokke …. waat sjteit te gebeure

9 mei , 2012

De Auwt Prinse Garde zit neet sjtil de aafgeloupe maonje. Wat höbbe ver veur uch in petto ….

De aafgeloupe maonje zeen achter de sjerme alweer de eesjte veurbereijinge van sjtart gegange veur de evenemente van dit jaor.

Awt Prins Frank I

In ’t besjtuur aafsjied höbbe genomme van Awt Prins Frank d’n Eesjte. Frank dae 11 jaor in ’t besjtuur zitting haw genomme, geit zien ervaring mitnumme biej ôs vastelaovesvrunj van de Doale, om dao zitting in de road te numme. Frank woord biej zien aafsjied benuimp tot ere-besjtuurslid, eine titel dae hae door zien veule werk meer dan verdeind haet. Ver wunsje Frank veul succes biej de Doale.

Awt Prins Marcel I

Awt Prins Marcel d’n Eesjte, woord op 20 April gefêteerd waeges zien 25 jaorig lidmaatsjap van HSV “De Wiejert”. Tiejes ein resepsie ter ere van dit feit woord Marcel door de Gemeinte ouch nog ens gedecoreerd mit de Speld van Verdienste van de Gemeinte Sittard-Gelaen. Eine dikke prefisiat is natuurlijk op zien plaatsj.

Kowsjiete

Op 24 Juni vingk ’t Dörpssjeete plaatsj, georganiseerd door Sjötterie Sint Salvius Lömmerich. Tiejes dit Dörpssjeete zal ouch de Kow van de APL weer in de wei graaze, om ein sjoon plaetsjke oet te zuike woo hae de flat van de daag geit deponere. Laote kent ger kriege biej de leeje van de APL.

Sinterklaos sjpeelt Domino en Kient

Op 17 November kump Sinterklaos aan in Remunj. Totaal onbelangriek veur de get grotere kénjer onger ôs, want op 17 November kenne ver uch al verklappe dat Domino weer in ’t Lömmerichse veur uch op zal traeje. Plaatsj van hanjeling is weer Kesjteel Lömmerich. Kaarte kent ger vanaaf noe al reservere hiej oppe site.

Uiteraard gaon ver op vriedig 16 november 2012 weer gezamenlijk kiene. Nao ’t succes van ’t aafgeloupe jaor, höbbe ver koste nog muijte gespaard en zeen ver drin gesjlaag om ein geweldig presentatie duo veur uch te sjtrikke. Neemes minder dan de Waerknöppele zulle der veur zörge dat de kien nummerkes op ein ludieke meneer te versjien zulle komme.