Kartoesj, mit in hun geledere ózze Awt Prins Guus I, zal es 14e in Mergraote optraeje. De letste keer dat Kartoesj euveriges es 14e op ‘t LVK moosj optraeje waar in 2006, en wer weite alleneij wiej dat is aafgeloupe . Wie kent ger Kartoesj vanaovond stjeune ?:

• SMS: LVK14 nao 4422
• Gebroek maake van de QR code ongeraan de pagina
• Tillefoon:  09 09 – 20 27 030 (sjtömme op nr: 14)
• Ter plaatsje: Hell sjreeve tiejes ut optraeje !

Mevr. Lebens is ein awt inwoonster van ‘t Doale riek, en zjweejt noe veur ein gans jaor de scepter euver Hoogstaete.

Doamit is Mia de 4e Prins oet ‘t Doaleriek dit jaor (Nao Mike / Marco en Prins Ad van de Pergenaze). De oetruiping vongk plaatsj in aanwezigheid van vv de Doale. Prinses Mia hult a.s. zoaterdig resepsie.

Prefisiat names de Auwt Prinse Garde Lömmerich!

Vandaag vong in Venraoj ‘t TVK (Tiener Vastelaoves Konkour) plaatsj. De vastelaoves sjlager van Lömmerich sjting in de finaal, en is aan de haol gegange mit de 2e pries. ‘t Leedje gesjreeve door Peter Schaeks wós in ein veld van 15 deilnummers besjlaag te legke op ein geweldige 2e plaatsj, nao de euverwénnaars oet Hors aan de Maas (Joske en Jori).

Suze & Larissa (Dochter van ós Awt Prins Math I) kenne truuk kieke op ein prima prestasie.

Top 3:

1) Joske en Jori – Noe giet ut gebeure (Hors a/d Maas)

2) Suze & Larissa – Knatsjgek oet de bol (Lömmerich)

3) D’r Joes – 1,2,3 (Bocholtz)

Naames de Auwt Prinse Garde felisiteere ver Suze & Larissa mit eine prachtige 2e plaatsj.

Nao 2010 is dit de 2e kandidaat oet ‘t Doaleriek. In 2010 waar Peter Schaeks ouch genomineerd veur deze ere-titel.

Miriam, onger angere bekend van de Zjwaegelebend en natuurlijk Koep Marie, is eine richtige vastelaovesvierder, en dreug de vastelaovend in Lömmerich ein werm hart toe. Aafgeloupe zitting sjting ze nog oppe bühne es onderwiezeres veur ‘t paoldanse. Wilt ger Miriam sjteune, dat kent ! Vanaaf 10 Fibberwari kent der gesjtömp waere tot 21 Fibberwari 12 oer.

Ver wunsje Miriam naames de Auwt Prinse Garde veul succes, en ós sjtöm höbs ze alvas !

Meer informaasje vingk ger hiej!

Marco is eine zoon van Hen en Tanna Lebens. Zien prinselijk palies sjteit in de Jubileijumsjtraot 12. Prinselijk blood zit in de femieje want Marco is ein naefke van Awt Prins Roy d’n Eesjte, ós te vruig gesjtorve lid Awt Prins Leon d’n Eesjte waar ziene Nónk. Marco is lid van de Sjötterie en de Voetbalclub. Biej de Sjötterie huijt der op de trom, en dat zal der besjlis de kaomende vastelaovend ouch gaon doon.

Marco zal saame mit Prins Mike d’n Eesjte de kaomende vastelaovend veurop gaon. De 2 prinse hawte koamende zaoterdig (21 Jannewari) resepsie in de Doaletempel.

Awt Prins Jos dank deze ere-titel aan ‘t veule werk dat hae heat verrich en nog verrich veur de Lömmerichse vereiniginge en in ‘t bezunjer veur de Lömmerichse Vastelaovend. Jos sjrif onger angere al jaore de proclamaasjes en aafsjiedsraejes van de Prinse, is es Ere Veurzitter nog sjteeds enorm betrokke bie de Auwt Prinse Garde.

Jos woord onger angere veurgegange door zien vrouw Jolanda, zodat de oorkondes noe gemoedelijk naeve ein op de sjoorsjtein te bezichtige zeen. De bieheurende verseersele woorte aan Jos oetgereik door Vorst Peter ongersjteund door ein groot applaus oet de sjtampvolle zaal.

Jos naames de Auwt Prinse Garde prefisiat mit dees dik verdeinde ongersjeijing.

Mike is eine zoon van Jules en Annelies Vinclair. Saame mit zien breurke Davy woont der nog bie de Pap & Mam aan de Vredeslaan te Lömmerich, woo ouch ‘t Prinseliek Palies zal sjtaon deze Vastelaovend. In ‘t dageliks laeve verdeint der ziene kos es beveiliger. Sociale omgangk vingk plaatsj biej de Sjötterie.

Mike zal de Lömmerichse vastelaovend veurop gaon in 2012, en mentaal ongersjteund waere door zien vriendin Mandy.

Names de Auwt Prinse Garde van harte prefisiat mit dien Prinssjap, en geneet der van!

Angesj dan anger jaore waar der gein specifieke ek veur ‘t aaftraeje van de Prins, mer ein humoristische ek, woo in Math zelfs mit mougde sjpeele. Math woord waal officieel gevraog om “mit te komme, want de Auwt Prinse wille ‘m gaer derbiej höbbe”. Math ging gaer mit, en woord achter de bühne veurzeen van Auwt Prinse medailles en sjteek.

Math bedank veur dien sjoon Prinse jaor, en veul plezeer biej de sjoonste club van zuid-wes europa !

De toch sjtarte vanaovend mit 13 groepe. Vanaaf 18 oer 30 koosjte de groepe van sjtart gaon door eine toch kris kras door Lömmerich.

De toch, oetgezat door Jean I / Eric I en Frank I, woord middels eine paesjsjprónk (paardensprong) genavigeerd. Sjaakloze deilnummesj hawe get opsjtartprobleeme, mer euver ut algemein is jedere groep van A nao B gekomme.

Op ‘t enj van de rit woorte de pries verdeilt, en waar de groep van Karl mit 120 van de 160 punte de grote euverwénnaar.

De oetsjlaag:

1. Groep Karl – 120 Punte
2. Groep Gertie – 100 Punte
3. Groep Marly / Afke / Isa / Linda – 95 Punte
4. Groep Henk – 90 Punte
5. Groep Suzan – 85 Punte
6. Groep Groote groep zonger vrouwluuj en zonger waage – 80 Punte
7. Groep Peter – 65 Punte
8. Groep Jürgen – 60 Punte
9. Groep Groote groep zonger mansluuj en zonger waage – 55 Punte
10. Groep Juul – 55 Punte
11. Groep Jeffrey – 30 Punte
12. Groep Birgit – oetgevalle
13. Groep Rowdy / Lee – oetgevalle

Jus beriekde ós ‘t trieste nuujts dat Awt Prins Tom I (Tom Margaroli) ós gistere (22/12) is óntvalle.

Tom, bekènd van zien auto-graasj oppe Bornerwaeg, is in de Lömmerichse vastelaovend van 1973 veurop gegange es Prins Tom 1e. In dat jaor woort hae door de laezers van ‘t Limburgs daagblaad oetgeroupe tot “Prins van ‘t Jaor”.

Tom waor in 1977 ein van de oprichters van de Auwt Prinsegarde Lömmerich. Nao zien verhoezing nao Vinkeveen is hae boetegeweun lid van de Auwt Prinse gewore, en is dat tot aan zien euverlieje gebleve. Ein teike dat Lömmerich häöm nog ummer ein bietje aan ‘t hart góng. Veer wunsje zien femilie väöl sjterkte biej ‘t verwirke van dit groot verleis.

Besjtuur, leje en commandeurs van de Auwt Prinsegarde Lömmerich