2003 – Vastelaoves Medizien

Want….,,drei daag vastelaovend is ‘t beste medicien
Dan veuls ze dich op sjlaag weer good en hubste nurges pien
Noe loester nao de dokter en sjhei oet mit dat gegrien
Want drie daag vastelaovend is ‘t beste medicien  (2X)

Couplet
Sofie ging nao de dokter, want ze zaot mit ein probleem
Ze haw euver heur ganze lief ein onbekende eczeem
De dokter zag: dat soort eczeem, dat krigs ze van de sjleur
Es medicien sjrief ich dich drie daag vastelaovend veur
En ich weit gans besjlis….. dat ‘t dan euver is…………

Couplet
Robere keek in de sjpeigel, en waor op en top verbaas
D’r kroape paarse pitejes oet zien oere en zien naas
De hoesarts zag: dien sjtumming is beheurlik in mineur
Es medicien sjrief ich dich drie daag vastelaovend veur
En in ein mum van tied…..bis ze die pietjes kwiet

Couplet
Sjeng waor al 20 jaor getrouwd, he draog zien vrouw op henj
Maer zien probleem waor, die kernaaj haw haore oppe tenj
De dokter zag: die vrouw van dich, dat is ein ouw zeur
Es medicien sjrief ich heur drie daag vastelaovend veur
Noe maak dich maar niet druk….. ich weit zeker dat ‘t luk